رجعت بعد زيارة قرايبى

بس هو مين
مفيش غيره ..اكيد عمي
فهم اني كشفته من الچرح وجاي يخلص عليا
ريقي نشف وخطواته بتقرب مني
وبعدها شفت ضل أيده بتقرب مني
صړخت …وبعدها لقيت جدو
بيقولي بسم الله الرحمن الرحيم ..مالك يا بنتي بس
بلعت ريقي وولعت نور الاباجوره اللي جنبي
جدو!!
ايوه جدو ..اهدي واستعيذي بالله من الشيطان الرجيم
انا مش عارفه مالي ..
اهدي بس كدا ..واشربي المياه
ناولني كباية وشربت وقعد جنبي طبطب عليا
وقالي فيكي ايه بس يا بنت الغالي
انا كنت جاي اطمن عليكي
مش عارفه يا جدو ..مش عارفه مالي
ليه بس احكيلي
لسه هتكلم ..الفجر أذن
الله اكبر الله اكبر..طيب قومي اتوضي وصلي
وانا هنزل اصلي في الجامع ونكمل كلامنا بعدين
قمت صليت ودعيت ربنا يدلني وينور طريقي
لما رجع جدو قعدنا شوية وبعدها حضرت فطار و فطرت معاه وفضلنا نتكلم شويه
بس محبتش احكيله شكي في عمي لأن الموضوع مش سهل
وكون أن في خربشه في أيده دا مش دليل ..انا كدا ممكن اهدم الدنيا ..وفي نفس الوقت في تحقيقات شغاله ع الموضوع واكيد هيوصلوا للجاني
فات كام يوم وبعدها حصلت حاجه غريبة
لقيت رساله جاتلي ع الواتس
مكتوب فيها انا عرفت اللي قتل جدتك
اڼصدمت لما شوفتها
سألته بسرعه
انت مين
مش مهم انا مين
السؤال الأهم مين القاټل
بلعت ريقي وسكت شويه
وسألته
هو مين
عاوز 200000 الف جنيه عشان أقولك
اتصلت ع رقمه كان مغلق
بالليل وانا قاعده وبفكر في اللي حصل
ومستنيه منه رساله او اتصال
لقيت صوت خبط على باب اوضتي
مين
محدش رد
الخبط رجع من تاني